1500 1501 1502 1503 1504 1505 1506 1507 1508 1509 1510 1511 1512 1513 1514 1515 1516 1517 1518 1519 1520 1521 1522 1523 1524 1525 1526 1527 1528 1529 1530 1531 1532 1533 1534 1535 1536 1537 1538 1539 1540 1541 1542 1543 1544 1545 1546 1547 1548
BALIŃSKI Jan · Baltazar of Lublin · BARTHEN Jakob von · BAYSEN Georg von · BEYER Wenzel · BOGUSZ Mikołaj · Bona Sforza · BONER Seweryn · BOREK Stanisław · Braunsberg vicars of · BREWER Otto
SEARCH
Letters: full text
Results found: 4
preserved: 2 + lost: 2
1 | IDL 7420 | Ioannes DANTISCUS to Mikołaj BOGUSZ, ca. 1535-12-10 Letter lost | ||
Letter lost, mentioned in IDL 1401: Scire dignetur Dominatio Vestra Reverendissima dominum Bogusch, simulatque reverendissimo domino olim nostro sepultura peracta est, in aulam regiam sese contulisse ob eamque rem mihi facultatem omnem mandata Dominationis Vestrae Reverendissimae illi exponendi in praesentia praesto esse non posse. Mittam vero illi propediem litteras Dominationis Vestrae Reverendissimae ad eum scriptas atque ita prospiciam, ut illi sine mora reddantur. | ||||
2 | IDL 6405 | Ioannes DANTISCUS to Mikołaj BOGUSZ, before 1536-04-07 Letter lost | ||
Letter lost, IDL 1437 | ||||
3 | IDL 1437 | [Ioannes DANTISCUS] to [Mikołaj BOGUSZ], Löbau (Lubawa), 1536-04-07 | ||
Manuscript sources:
| ||||
Text & apparatus & commentaryPlain textText & commentaryText & apparatus
Generose Domine, amice in Christo dilecte. Salutem. Scripseramus vobis superioribus diebus respondimusque litteris vestris, quas Dominatio Vestra ad nos dederat, quibus innuebat propter detentas decimas per dominum gladiferum Cracoviensem se domino Georgio Hegel dumtaxat quinquaginta aureos soluisse, cum tamen Dominatio Vestra receperat se immo nobis promiserat post abitum nostrum ex Cracovia nostro nomine ipsi domino Georgio centum aureos se daturam, qua spe nos litteras nostras, quibus ab eiusmodi summa Dominationem Vestram absolvimus, apud illum reliqueramus. In quibus omnibus res longe secius atque nos existimationem de Dominatione Vestra habueramus, cecidit, ut pote ne ullum quidem teruntium a Dominatione Vestra dominum Georgium Hegel vidisse, quod nos in summam admirationem et quandam in aliam quam de Dominatione Vestra opinionem conceperamus, adducit ob idque potissimum, quod ad novissimas eas litteras nostras ne verbum quidem responderit, quo hanc a se noxam diluisset, vel quomodo res haec haberet, nos certiores reddidisset. Accedit praeterea, quod mense elapso cancellarium nostrum ad curandum ecclesiae regimen atque ad cognoscendum vel saltem a fratre Dominationis Vestrae, quid sibi velit, quod Dominatio Vestra promissam solutionem protraxerit, in Goląbya mitteremus. Quo cum venisset, nihil rescire potuit, quinimo audivit ab eodem Dominationis Vestrae fratre post multas ad nos oblationes, quod in principio mensis Februarii domino Georgio Hegel sexaginta aureos misisset, quod sic factum esse ab eodem Georgio Hegel, qui XIIII Martii praeteriti ad nos scripsit non intelleximus, verum se tum hactenus nihil percepisse de iis centum aureis, quos daturam se Dominationem Vestram receperat, asserebat. Idipsum item, qui<d> fiat, satis mirari non possumus. Qua de re, cum edocti simus Dominationem Vestram agere impresentiarum in aula aut ubicumque illa fuerit, {quod} hunc nuntium nostrum cum iis ad eandem Dominationem Vestram miserimus. A qua amice postulamus et rogamus, ut cum eo nobis significet, quomodo ista habeant mentemque suam nobis declaret, quid nobis de Dominatione Vestra polliceri debemus habentes pro veteri inter nos amicitia eam fiduciam, quod Dominatio Vestra non secus se in his erga nos geret, quam honestae nobilitatis bonique nominis viro et equite bene convenit. Quam in Christo Domino nostro bene valere optamus. Ex castro nostro Lubaviensi, VII Aprilis MDXXXVI. | ||||
4 | IDL 1504 | [Ioannes DANTISCUS] to [Mikołaj BOGUSZ], Löbau (Lubawa), 1536-07-15 | ||
Manuscript sources:
| ||||
Text & apparatus & commentaryPlain textText & commentaryText & apparatus
Generose Domine, amice in Christo dilecte. Salutem in Domino. Commisimus huic fratri domino Bernardo ratione contractus inter nos de decimis ecclesiae nostrae in Goląbya facti cum Dominatione Vestra conferre et hoc, quod reliquum est pecuniarum, quas nobis Dominatio Vestra debet, ab eadem repetere et d[e] illis litteras quietationis dare, proinde rogamus, illi fidem habere et se erga nos iuxta vim contractus conservare velit Dominatio Vestra. Quam bene valere optamus. Ex castro nostro Lubaviensi, XV Iulii 1536. |