APG 300, 53, 268, p. 64

Den ersamen und namhaften herrenn burgermeister und rathman der koniglichen stadt Dantzk, unsern besondern, / guten freundenn.

APG 300, 53, 268, p. 61

Unsern freuntlichen grus und alles guts zuvoran. Ersame, namhaftige herren, besondere, gute freunde. /

Es ist E(wer) E(rbarkei)t in frischem gedechtnis, / wie vil mal wir vor Hansen Holsten gebeten / und auch erhalten, das im E(wer) E(rbarkei)t uns zugefallen, / dovor wir noch danckbar sein, / worinne er hette ubertrettenn, / wie das jungen leuten gemein, / vorziehen und mit gunst haben nachgegeben. / Dieweil er dan forder nichts anders gesucht, / dan das er hat geacht seiner sachen gerechtigkeit hulflich sein / und von der auch nach erhaltung der acta, / die im zuvor nicht sein geworden, / abzustehen sich hat vorgenommen / und sich in aller pilligkeit, / wie einem getreuen burger wolzustehet, / gen E(wer) E(rbarkei)t vorhalten, / ist unser gantz freuntlich unnd vleissig bitten, ine aus aller schwermutigkeytt und ungunst, dorein er gefallen, / zulassenn / und sein gunstige herren zusein, / welchs wir in einem vilgrossern / mit stetter freuntlicheit und wilfarung umb E(wer) E(rbarkei)t, die wir gotlichen gnaden bevelhen, / zubeschulden uns erbieten / APG 300, 53, 268, p. 62 und pflichtig wollen sein. /

Dat(um) aus unserm schlos Heilsperg, den XXIIII Februarii 1542.

Joannes, von Gots gnaden bischoff zu Ermelandt /