Zwen ⌊⌋ von Ewren Gnaden, ain dess datum ⌊Regenspurg⌋ 1532-07-09⌊9 Iulio 15321532-07-09⌋, / der ander datum ⌊Lobau⌋, den 1532-09-24⌊24 Septem[ber] auch dess verschinen jars1532-09-24⌋, / dar uff folgt antwurt.
Die brief an die seniora ⌊Ysabel⌋ hab ich all zu jeder zeit woll bestelt und die von ir verganngen zeit fur Ewer Gnaden empfangen, auch Ewer Gnaden gesant. Uff den ⌊⌋ hat ⌊sie⌋ mir nochmals kain antwurt gesan[t], aber mir geschriben, wie Ewer Gnaden hie mit in ierem brief sechen wirt, / ist si willig, die ⌊thochter⌋ zu geben, / doch wolt si zu fo[r] gern wissen, was man ir geben will. / Wie Ewer Gnaden sechen wirt, will ⌊si⌋ kain man nemen, sonder in ain closter, / darzu si gleich sovill oder wenig minder bedarf, als neme si ain man. Mir ist woll ingedenck, daz wir der donna ⌊Menzia⌋ drey hundert ducaten wolten geben, die si nit wolt. Jetzt bleipt si gar un die. / Die ⌊seniora Ysabel⌋ will gescheider sein. / Nun Ewer Gnaden ... mag provedieren, daz jenig so Ewer Gnade fur gut und billich dan..., daz wirt ⌊ir⌋ geben / und die ⌊thochter⌋ von ir genomen. / Die mag ich als dan mit dess von Ehingers suoren laut Ewer Gnaden und sein befelch hinaus gen ⌊Antorf⌋ senden. /
Die weil aber die antwort diss und die provision dess gelts etwas aus bliben, möcht geden[ken] mich zu best sein verziechen biss uff daz new jar, umm ⌊die⌋ nit jezt winterszeit zu schicken etc. /
Umm die funfftzig ducaten hob ich ⌊ir⌋ ain briefei meiner hand gesant, ir die aus tadt, wie for mals, zezallen, / und seind dem ⌊Reinaldo Strozi⌋ geschriben, ir sollichs uff jedes zill zu danck bezall, / daz weit geschechen kain macht daran sein. / Ich hab vergangenen tag 4 leder mit wein de Sant Martin von ⌊Madrid⌋ gen ⌊Bilbao⌋ gesant, seer gut, / mit befel, die fort gwarsam pro ⌊Antorf⌋ an die unßer zu senden und dyse von danen Ewer Gnaden fort zu gesant verden. / Hab auch befolchen, solt es den zu ⌊Martinez de Rialde⌋, so zu ⌊Billao⌋ wart, fur gut an sechen wirt, / dazer ain gute candiota, nemlich ain fessli kaff und dar ein thiee, / dar mit desst gwarsamer hinaus gee lass, d... Ewer Gnaden mit lieb und woll zu komen. / Was daz costen, wirt Ewer Gnaden mi[t] der zeit mit den andren verraitnen. /
Gar nichs news wais ich Ewer Gnaden zu schreiben. ⌊Kayserliche maiestet⌋ soll iner 8 tagen von hier promovir[en] vorrucken cortes halten und von danen per Castiliam. Got vorleich vill gut.... Kan ich Ewer Gnaden in ichten dienen, woll mich nit sporen.
Got mit uns allen.
