Reverendissimo in Christo Patri et Domino, domino Ioanni Dei gratia episcopo Varmiensi, domino suo et benefactori gratiosissimo

Reverendissime in Christo Pater et Domine, domine gratiosissime.

Post eam, qua semper debeo, affectionis meae commendationem.

Quemadmodum Vestra Reverendissima Dominatio per generosum dominum Nicolaum Plothowski mihi indicare dignata est, ut pro illa aucupem conducendum acquirere possem, cum per tam modicum temporis intervallum alium habere, quem mitterem nequivi, hunc meum proprium ad Reverendissimam Dominationem Vestram mitto. Illum pro placito suo convertere dignabitur, retinendum potiatur, competentiori namque tempore de eo summam navabo operam, qui assiduae servituti instabit, Vestrae Reverendissimae Dominationi acquiram et mittam, hunc vero potius ad Reverendissimam Dominationem Vestram videre cupio, illic ut maneat et votis pareat, quam ut mihipsi fructus non modicos afferat.

Commendo me{a} meaque iterum obsequia Dominationi Vestrae Reverendissimae. Quam Deus Optimus Maximus incolumem diu conservet, prosperum reddat, ex animo desidero.

Ex Ploczko , Sabbato in Vigilia Conceptionis Sacratissimae Virginis Mariae anno Domini M-o D-o XXXVIII.

Eiusdem Reverendissimae Dominationi Vestrae addictissimus palatinus Plocensis etc.