APG 300, 53, 269, p. 16

Denn ersamenn unnd namhafftigenn herrnn burgermeister unnd rathmann der koniglichenn stadt Dantzig, unsern besundren, gutten freunden

APG 300, 53, 269, p. 13

Unnserenn freuntlichenn grus unnd alles gutts zuvorann. / Ersame, namhafftige hern, besundere, gutte freunde. /

Uns ist gestriges thags E(wer) E(rbarkei)t schreibenn gewordenn, / welchs wyr / dismhal, mit geschefftenn beladenn, / nicht mit solchem vleis, / wie wir darzu willig seinn, / habenn mugen uberlesenn / unnd darzu bedacht seinn, / das E(wer) E(rbarkei)t beger so eilendts genug vonn unns geschege. / Auch habe wir diessen bothen / derwegenn nicht wollenn lenger aufhaltenn, / ihn dennach ane unnser antwurt nicht wollenn von uns lassenn / freuntlich bittende, ein keynenn vorzug zu dulden, / bis wir mit gutter muess / uns E(wer) E(rbarkei)t, / wie wir alwege gerne thun, / mugenn wilferig erzeigenn, / dann E(wer) E(rbarkei)t, die wir gotlichenn gnadenn befelhenn / und der guttenn stadt, / unserm vaterlandt, / vil ehre, / nutzes / und gutts auszurichtenn sein wir willig unnd erböttig. /

Dat(um) aus unnserm schloss Heilsberg, denn XIII Marcii M D XLIIII.

Joannes, vonn Gotts gnadenn bisschoff zu Ermelanndt