Den ersamen und namhaftigen herren burgermeister und rathmannen der koniglichen stadt Dantzig, / unsernn besondernn, guthenn freunden. /

Unsern freuntlichen grues und alles gutten zuvoran. Ersame, namhafftige hernn, besonndere, guete freund. /

Unns ist kurtzlich koniglicher maiestet, unsern allergnedigsten hernn, brieff, / der beantwurt der hernn rethe aus negst gehaltener zu Graudenz tagfart schreiben, zukomen. / Weil dan Ewer Erbarkeit sovil, als andren dieser lande rethen daran gelegen, / hab wir desselbten abschriefft, / darnach sich zurichten, Ewer Erbarkeit nicht wollenn vorhaltenn, / die wir gotlichen gnaden bevhelen. /

Datum aus unserm schlos Heilsberg, den XIII Novembris M D XLIII.

Joannes, von Gots gnaden bischoff zu Ermelandt

Was die quittantz angehet in koniglichem brieffe gemeldet, / in dem sich villeicht der schreyber vorsehen, / ist uns nichts worden, / des villeicht der her schatzmeister uff Marienburg von koniglichem hoffe, / dohin er sich begeben, / mit sich underricht wirt bringen. / So der erst an uns gelangt, / wolle wir in Ewer Erbarkeit nicht vorhaltenn etc.