Unsernn fruntlichenn grues mit erbittung, was wir liebs unnd guts Ewr Erbarkeit zur wolgefallenn vormugenn, zcuvoran.

Ewr Erbarkeit herlich unnd ehrlich geschenck hab wir mit freudenn entphangenn, dar aus Ewr Erbarkeit sunderliche freuntschafft und gutte czwneygunge gerne vornomenn. / Bedancken uns derhalben uffs fruntlichste unsers vormugens genn Ewr Erbarkeit unnd wollen solchs inn alle wege mit billicher danckparkeyt vorschulden unnd, so wie wir hoffenn, Ewr Erbarkeit geschicktenn uff unser newe messe zur uns werdenn komenn, wol wir inn alle ehre unnd fruntlichenn wÿllenn beweÿsenn, / auch vordan so uns genn Euch halten, das vonn uns keynn misfallenn gespurt sol werdenn. / Hiemitte thue wir Euch Gotte dem allemechtigenn inn langkweriger gesuntheit / und gelugseligem zcwnhemenn bephelenn.

Datum uff unserm slosse Lobaw, denn 16 tagk Aprilis anno domini 1533.

Ioannes, bischoff zu Culmen manu propria