» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #384

Ioannes DANTISCUS to Bona Sforza
Burgos, 1527-11-15


Manuscript sources:
1office copy in Latin, in secretary's hand, BCz, 242, p. 139-140, 144 (b.p.)
2copy in Latin, 18th-century, BNF, Lat.11095, p. 50-51
3copy in Latin, 18th-century, BK, 232, p. 73-75
4copy in Latin, 18th-century, B. Ossol., 151/II, f. 89v-90v
5copy in Latin, 18th-century, BCz, 42 (TN), p. 381-384

Auxiliary sources:
1register in Polish, 20th-century, B. PAU-PAN, 8245 (TK 7), f. 480

Prints:
1AT 9 (2nd ed.) No. 327, p. 333-334 (in extenso)
2PAZ Y MELIA 1924, 1925 p. 85 (Spanish translation)
3AT 9 (1st ed.) No. 230, p. 259-260 (in extenso)

 

Text & apparatus & commentaryPlain textText & commentaryText & apparatus

 

BCz, 242, p. 139

Serenissima Reginalis Maiestas et Domina, Domina mea clementissima. Humillimam perpetuae meae servitutis commendationem.

Accepi superioribus diebus triplicatas Maiestatis Vestrae Serenissimae litteras, quarum primae erant de 27 Iulii, aliae de 3 Augusti, et novissimae cum carta inclusa de 28 eiusdem Augusti, omnes fere unius tenoris in negotio adohae, in quo, quantum potui, hucusque laboravi, eratque mihi spes, quod post adventum domini cancellarii, qui Palentiae ad ad caesarem 5 Octobris pervenit, omnia facilius expediri debuissent, praesertim cum vicerex Neapolitanus, qui hactenus Maiestati Vestrae Serenissimae tot difficultates ingessit, in Aversa ms. aversum(!) ⌈AversaAversa ms. aversum(!) ⌉ 23 Septembris obiisset; sed adhuc nihil certi obtinere potui et ut dominus cancellarius hodie mihi significavit, quod rebus Maiestatis Vestrae Serenissimae sinceriter favet, parum ea in re de gratia maiestatis caesareae sperare possum, prout latius ad maiestatem regiam scripsi, ad quae me refero. Nihil tamen adhuc a me omittetur omniaque temptabo, quo optatum finem habere possimus.

Quid de Cola Maria de Summa actum sit, adhuc ignoro, velim eum hoc tempore esse castellanum, cum aliter fieri non potest. Insto hic totis viribus, ut condiciones, quibus castrum oneratum est, possim adimere, quo plane in potestatem Maiestatis Vestrae Serenissimae perveniret. Quid in his esset futurum, tempus, ut reor, duorum mensium nos docebit. Tragoedia haec in Italia cum caesarianis diutius credo durare non poterit. De his scripsi ad maiestatem regiam latius.

Domini Welzeri, qui Maiestati Vestrae Serenissimae libenter inserviunt, conquesti sunt caesari, quod cives Cracovienses eis trecentos centenarios cupri ademeri<n>t, unde maiestas sua serenissimo domino regi nostro scripsit et ad me etiam misit, BCz, 242, p. 140 ut ea propter serio per litteras meas apud maiestatem regiam agerem, quo hoc cuprum restitueretur. Supplico igitur Maiestati Vestrae Serenissimae: velit dominorum Welzerorum negotium habere commendatum, ne hic privatum Cracoviensium commodum rebus Serenissimae Maiestatis Vestrae incommodaret, quemadmodum in meis ad maiestatem regiam diffusius attigi; est enim haec res maiestati caesareae cordi, quandoquidem illi ad praesens pecuniis suis Welzeri prosunt plurimum.

Habeo Maiestati Vestrae Serenissimae quas possum gratias, quod aegritudini meae, qua iterum paulo ante laboravi et nondum omnimode convalui, miseretur quodque mihi gratiam suam tam abunde pollicetur. Non dubito, quin haec in me Maiestatis Vestrae Serenissimae gratia habitura sit aliquando effectum. In me nihil umquam deerit, quod ad fidelem et diligentem servum spectabit exiliumque hoc, quamdiu Maiestas Vestra Serenissima voluerit, aequiore feram animo, donec ibi se fluctus isti fracturi sint sciamus. Tempestas enim haec non erit perpetua.

Sobellos Maiestatis Vestrae Serenissimae, ut scripsi 17 Augusti praeteriti, serenissimae dominae imperatrici praesentavi. Parum hucusque profuerunt. Temptabo adhuc, antequam hinc caesar Valentiam se conferet, si virtutem aliquam possint operari nullumque non movebo lapidem, qui ad id videbitur opportunus.

Alia in hac ms. hoc(!) ⌈hachac ms. hoc(!) ⌉ temporis angustia non restant, quam quod me humillime Maiestati Vestrae Serenissimae commendo et rogo absentis sui servuli clementem aliquando rationem h habeat.

Dat(ae) or Dat(um)⌈Dat(ae)Dat(ae) or Dat(um)⌉ celerrime ex Burgos, civitate Castellae in Hispania 15 Novembris, anno Domini 1527

Serenissimae Maiestatis Vestrae Reginalis humillimus servus Ioannes Dantiscus

Postscript:

BCz, 242, p. 144 Debet mihi dominus Lansenski vicinus Columbae meae pro decimis non parvam pecuniarum summam, quam apud se minus iuste, quam diu absum, detinet dicitque se desuper mecum pactum fecisse, quod inter nos numquam convenit. Quapropter Maiestati Vestrae Serenissimae humiliter supplico dignetur illi mandare, ut id, quod pro decimis meis mihi debet, reverendo domino doctori Borgio cancell canonico Cracoviensi meo nomine persolv<er>et, ne mihi quam diu hic sum in Hispania in servitio Maeistatis Vestrae Serenissimae, ille illudat et detrimentum cum ignominia inferat, quod una mecum gratiae atque incomparabili aequitati Maiestatis Vestrae suppliciter commendo.