BNW, BOZ, 954, f. 25v

Reverendo in Christo patri domino Ioanni episcopo Varmiensi sincere nobis dilecto

BNW, BOZ, 954, f. 25r

Sigismundus Augustus Dei gratia rex Poloniae magnus dux Lithuanie, Russiae, Prussiae, Masouiae etc. dominus et heres

Reverende in Christo pater domine sincere nobis dilecte.

Accepimus litteras Paternitatis Vestrae, quibus iustioribus quam vellemus rationibus excusat se, quod ad iusta divo parenti nostro persolvenda venire non possit. Male sit isti morbo, per quem et nobis optata Paternitatis Vestrae praesentia frui et Paternitas Vestra extremum hoc officium, quod vehementer cupere videtur, divo parenti nostro persolvere non licet. Sed quando sic Deo visum est, feramus necesse est, quod vitari non potest. Grata nobis esset futura praesentia Paternitatis Vestrae, quae nobis procul dubio non mediocrem fructum esset allatura, sed gratior est nobis tamen incolumitas Paternitatis Vestrae, quam illi diuturnam precamur atque, ut suae valetudinis curam habeat, hortamur.

Dat(ae) or Dat(um)⌈Dat(ae)Dat(ae) or Dat(um)⌉ Cracoviae, II-a Iulii anno Domini M-o D-o XLVIII-o, regni vero nostri XIX-o.

Ad mandatum serenissimae regiae maiestatis proprium