Gestriges tages hab wir durch dissen botenn Ewer Herlichkeit ⌊⌋ entfangen, / ane die von ⌊Heilsberg⌋, / do von Ewer Herlichkeit geschribenn. / Solchs danksagen zcwischen frunden von wegen der pferde ist unnot, etc. Wir hetten Ewer Herlichkeit neben den iren fast gern hie gesehen. / So sichs anders zugetragen, / muss die gedult das beste thun. / Ewer Herlichkeit zukunfft uff die ⌊tagefart⌋, / so die aus solchen ursachen, / wie Ewer Herlichkeit schreibt, etwas vortzogenn, / wolle wir bey den ⌊andren hern⌋ helffen ins beste deutenn etc. Vor die czeitungen thu wir uns fast bedancken / unnd schicken disse beygebunden, / wie wir sie habnn vonn ⌊kayserlicher maiestet⌋ ⌊botschaffter⌋ aus ⌊Hungern⌋ von ⌊Varadein⌋, den II tag Augusti negst vorgangen ⌊⌋. / Bitten die ⌊furstliche durchlauchtt⌋ neben unserem ⌊⌋ zu bestellenn, do mit furstliche durchlauchtt mag wissen mit was practiken unser frunt ⌊Cornelius⌋, / was ⌊Dennemarken⌋ belangt, / ist umbgangen, / hirummb wir im zuschreibenn, / so wir kein antwurt von im erlangt, / uns einzceit lang haben vorgenomen zuenthaldenn.
Kayserlicher ⌊botschaffter⌋ electus Lundensis ist an konig ⌊Januss⌋ umb fried zu handlen geschickt, / uff bitt der II bischove ane gedachter konig an ⌊kayserliche maiestet⌋ gen ⌊Naples⌋ heth geschikt. / Wirt aber, / wie er schreibt, ubel gehalden, / und richt nichts aus. / Die ⌊Hungern⌋ warten, wie dis spil mit den ⌊keiser⌋ sich wil endenn etc. Das ⌊furstliche durchlaucht⌋ uff ⌊Colmesze⌋ zceut, ist uns lieb. / Wirt vor gut nemen, was das haus hoth. / Wolt abermols ⌊furstliche durchlaucht⌋ gedencken von ⌊Rapten⌋, / das wir antwurt mochten haben / und des vihes unser ⌊svester⌋ und des molers, das gen ⌊Osterrode⌋ do von getriben, das wir wissen mugen, wie ummb alles etc. Ouch bit wir Ewer Herlichkeit, wolt unser bey ⌊furstlicher durchlaucht⌋ im bestenn nicht vorgessenn etc. Was sunst noch vil zu schreiben wer, vorhalte wir uff unser zusamme komenn, / das Got in in seiner gnad und gesuntheit vorleye, / dem wir Ewer Herlichkeit mit al den iren thun befelen. /
