» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1083

Ioannes DANTISCUS to Bona Sforza
Löbau (Lubawa), 1534-01-11


Manuscript sources:
1fair copy in Latin, in secretary's hand, author's signature, address in Dantiscus' own hand, BNW, BOZ, 2053, TG 16, No. 1949, f. 171-172
2rough draft in Latin, autograph, BCz, 244, p. 20
3copy in Latin, 16th-century, BJ, 6557, f. 380r-v
4copy in Latin, 18th-century, BK, 232, p. 139-140
5copy in Latin, 18th-century, B. Ossol., 151/II, f. 119v-120v
6copy in Latin, 18th-century, BCz, 50 (TN), No. 3, p. 5-6
7copy in Latin, 18th-century, BCz, 274, No. 238, p. 479-480

Auxiliary sources:
1register in Polish, 20th-century, B. PAU-PAN, 8247 (TK 9), f. 457
2register in English, 20th-century, CBKUL, R.III, 32, No. 630

Prints:
1AT 16/1 No. 22, p. 40-41 (in extenso; Polish register)

 

Text & apparatus & commentaryPlain textText & commentaryText & apparatus

 

BNW, BOZ, 2053, TG 16, No. 1949 f. 172v

Serenissimae Reginali Maiestati Poloniae etc. Dominae et text damaged⌈[Dominae et]Dominae et text damaged⌉ dominae meae cle text damaged⌈[cle]cle text damaged⌉mentissimae

BNW, BOZ, 2053, TG 16, No. 1949 f. 171r

Serenissima Reginalis Maiestas et Domina, domina mihi clementissima. Humillimam orationum et servitutis meae commendationem.

Proficiscitur tandem ad Serenissimam Maiestatem Vestram generosus dominus Achacius Czeme castellanus Gdanensis et capitaneus Stumensis, qui de omnibus, quae hic per hos dies apud nos acta sunt, neque ad dextram neque ad sinistram a veritate declinans, Serenissimam Maiestatem Vestram certiorem reddet et de his, de quibus prius confidenter pro fide mea Serenissimae Maiestati Vestrae seorsum et secreto scripsi. Hic Serenissimam stain⌈[Serenissimam]Serenissimam stain⌉ Maiestatem Vestram hic de mente et fideli erga Serenissimam Maiestatem Vestram primorum hic consiliariorum affectu et propensione plane edocebit nostrumque consilium, nulla alia re quam ex fide in Serenissimas Maiestates Vestras natum, fiducialiter exponet. Quod si Serenissimae Maiestati Vestrae non displicuerit, mandabit per illum, quid per nos ea in re fieri velit, geremus nos in omnibus ut obsequentissimos subditos. Neque aspergines istae, quas passim de nobis inimicus homo diffudit, integritati fidei nostrae obesse poterunt. Humillime itaque supplico, Serenissima Maiestas Vestra dignetur eundem castellanum, nobis hic omnibus carum et gratum, clementer audire et mentem suam illi declarare. BNW, BOZ, 2053, TG 16, No. 1949 f. 171v Ego, qui plus aliis innumeris ornatus beneficiis Serenissimae Maiestati Vestrae devinctus sum, una cum aliis dominis consiliariis fidelissime mandatis Serenissimae Maiestatis Vestrae oboediemus. Cui me dignitatemque et causam omnium nostrum cum eodem domino castellano ut dominae meae clementissimae suppliciter commendo. Iesus Christus Dominus noster eandem Serenissimam Maiestatem Vestram sospitet quam diutissime et prosperet in omnibus.

Ex castro Serenissimae Maiestatis Vestrae Lubaviensi, XI Ianuarii anno Domini M D XXXIIII-o.

Serenissimae Maiestatis Vestrae Reginalis humillimus servus et capellanus episcopus Culmensis scripsit.