Venerabilis Domine, Frater in Christo carissime, a quo vobis salutem et incolumitatis precor restitutionem.

Cuius ut bonam diligentemque habeatis curam, commoneo ac consulo, neque vos prius hoc duro insalubrique tempore itineri committatis, nisi vos solide melius habere integriusque valere cognoscatis. Gratiae, quas mihi egistis, non erant necessariae. Si qua adhuc re opus habetis, qua vobis subvenire possim, reddite me certiorem – praestabo non gravate – curateque, ut recuperata sanitate et viribus faustiter ad me redeatis. Singularissimo amico meo domino Ioanni Trusler doctori et parrocho domino Urbano salutem ex me dicite plurimam.

Lubaviae, III Novembris M-o D-o XXXVII-o

Ioannes episcopus Culmensis et post[ulatus] [Varmiensis] scripsit