Eustachio

Venerabilis Domine, frater sincere nobis dilecte.

Accepimus litteris Fraternitatis Vestrae adiunctam schedam debitorum mortui olim parochi in Lichtenow, qui cum intestatus decesserit et debita ea cum bonis relictis ad structuram ecclesiae, ad quam non parochus sed parochiani tenentur, conferri non possint, dictam schedam apud nos retinuimus et hortamur Fraternitatem Vestram, ut primo tempore conscriptum inventarium omnium relictorum bonorum et pecorum ad nos mittat. Quo ex eo edocti iuxta officium nostrum commodam de illis dispositionem facere et ea in consuetos usus, in quos intestata bona sacerdotum destinari solent, conferre possimus. Factura nobis rem gratam Fraternitas Vestra.

Quae bene valeat.

Datae ex arce nostra Heilsberg, XIX Iulii MDXLVIII.

Eustachio

Venerabilis Domine, frater sincere nobis dilecte.

Accepimus litteris Fraternitatis Vestrae adiunctam schedam debitorum mortui olim parochi in Licthenow. Eam apud nos retinentes hortamur Fraternitatem Vestram, ut primo tempore etiam conscriptum inventarium omnium relictorum bonorum et pecorum ad nos mittat, quo, ex eo edocti, iuxta officium nostrum commodam dispositionem de illis facere possimus.

Quae bene valeat.