Reverendo in Christo Patri, domino Ioanni episcopo Varmiensi sincere nobis dilecto

Sigismundus Dei gratia rex Poloniae, magnus dux Lituaniae, Russiae, Prussiae, Masoviae etc. dominus et heres

Reverende in Christo Pater, sincere nobis dilecte.

Quod tam alacri animo Paternitas Vestra ea, quae a nobis mandantur, exsequitur, nullum cuiusquam odium formidans, est nobis id vehementer gratum, ac gratia nostra regia hanc illius inserviendi nobis promptitudinem Paternitati Vestrae conabimur compensare. Legit nobis, quae in sche[dis] scripta fuerunt, reverendus in Christo pater, dominus Samuel episcopus Plocensis et regni [nostri vicecancellari]us, is in suis litteris Paternitati Vestrae ad ea respondebit.

Quae bene vale[at].

[Datae] anno Domini M-o D-o XLIIII-o, regni nostri a[nno XXXVII].

Ex mandato regiae maiestatis proprio