Reverendo in Christo Patri, domino Ioanno episcopo Varmiensi, sincere nobis dilecto

Bona Dei gratia regina Poloniae, magna dux Lituaniae, Russiae, Prussiae, Masoviae etc. domina

Reverende in Christo Pater, sincere nobis dilecte.

Quae ad nos scripsit Vestra Paternitas de Sculteto Romae tertium iam incarcerato, ea ita fieri possunt. Nos de iis hactenus nihil audivimus et aliter nobis de illo domini cardinales scripserunt.

De Anglicis, Gallicis, Danicis, Germanicis rebus si quid cognitum habebit, id nobis perscribat Paternitas Vestra, rem nobis gratam factura.

Quam bene valere optamus.

Cracoviae, die V-ta Aprilis anno Domini MDXLVII.

Ex commissione propria sacrae regalis maiestatis