List #1699
Iustus Lodvicus DECIUS (DECJUSZ, DIETZ) do Ioannes DANTISCUSCracow, 1537-09-04
| odebrano [1537]-09-14 Rękopiśmienne podstawy źródłowe:
Pomocnicze podstawy źródłowe:
Publikacje:
| ||||||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo patri et domino, domino Ioanni, Dei gratia episcopo Culmensi etc., domino suo gratioso
Reverendissime in Christo pater et domine, domine gratiose ac cum primis colende, post humilem in Reverendissimae Dominationis Vestrae gratiam commendationem.
Commodum se obtulit dominus Nipczitz Reverendissimae Dominationis Vestrae causa illuc proficiscens, per quem ego scyphum illum ab illustri domino palatino Reni missum dirigerem. Illum ego male obvolutum composui melius speroque recte illuc perferri.
Nihil ob id nunc scribo, quod omnia quae gignit aula et exercitus noster, Hungaria et Italia parit, dicere dominus Nipczitz possit. Ego vero me gratiae Reverendissimae Dominationis Vestrae commendo precorque Deum, ut haec illi feliciter cadat alea diuque sit incolumis.
Datae Cracoviae, 4 Septembris 1537.
Reverendissimae Dominationis Vestrae deditissimus servitor Iostus Ludovicus Decius scripsit