Serenissimo Principi et Domino, domino Heinrico regi Angliae, Franciae etc. domino fratri at avunculo nostro carissimo

Serenissimo Principi et Domino, domino Heinrico regi Angliae etc. ,domino fratri et avunculo nostro carissimo Ferdinandus Dei gratia princeps et infans Hispaniarum, archidux Austriae, dux Burgundiae etc. et sacrae. caesareae maiestatis locumtenens etc. Salutem etsmutui amoris afectum.

Serenissime Rex, Princeps et Domine, domine avuncule et frater colendissime.

Cum in praesentiarum regiae serenitatis Poloniae etc. secretarius et orator, spectabiis nobis dilectus Ioannes Tantiscus, ad sacram caesaream Romanorum et catholicam maiestatem, dominum et fratrem nostrum colendissimum, in quadam praecipua eiusdem regis Poloniae legatione proficiscatur cupimusque illum ad ipsam caesaream maiestatem absque impedimento venire et plena ubique securitate perfrui, rogamus ex animo Serenitatem Vestram, dignetur eidem oratori intuitum praefati Poloniae regis ac nostri etiam contemplatione opitulari auxiliumque et favorem impendere, ut is tuto ac libere valeat ad praedictum dominum et fra[trem] nostrum, caesarem Carolum, in Hispaniam pervenire.

In quo Serenitas Vestra nobis rem efficiet gratissimam, erga eam omni studio et gratitudne nostra accumulate compensandam.

Datum in Nova Civitate nostra Austriae, ultima die Iunii, anno Domini M D XXII