AAWO, AB, D.94, f. 161v

Dem Hochwirdigsten in Goth / Herren, herren Ioanni / von Gotes genaden bisschoff zcu Culmensehe / und postulirt(es) des stichts Ermelanth / etc., unsern genedigem herrenn

AAWO, AB, D.94, f. 161r

Hochwirdigster in Goth / genediger herre. /

Unser bereitwillige / unde geflissene denste seint Ewer G(nade)n in allewege / zcuvorn / entpholen. /

Genediger Herre. /

Den brief betreffende / die hantfeste, / so bey Jurg(en) Wispendorf, / unserm burger, liggen und sein solte / haben wir mit geburlicher reverentz entphangen und desselbig(en) inhalt zcur nuge eingenom(m)en. / Szeint och Ewer G(nade)n genedig(en) synnen och [...] text damaged⌈[...][...] text damaged⌉ gewesen denselbtig(en) Jurg(en) Wispendorp, / dohin [...] text damaged⌈[...][...] text damaged⌉ halt(en), / domit er so bey thue(?) ichts vorhanden, / des ein boscheit und abschrift gebe, / welche(n) / noch angewant(en) fleise / und undersuchunge (des sich in etzliche lengere dan vorhoft / zceit erstreckt / und hierum(m)b zceiger dises vortzogen) nichst(en) befinden hot konnen, / das villeichte / der vormeint(en) sachen / hette zcutreglichen sein mog(en). / Alleine den bescheit gefunden, / wie Ewer Genade / aus kegenwertig(en) brifes zceiger / der do von ein abschrift hot / und ihme mittegegeben ist / in genad(en) wirt zcu vornehmen haben. /

Dan Ewer G(nade)n in allem dinstlichem und boheglichem gefallen zcu wilfaeren / seint wir stetz geflissen. / Mit hulffe des Almechtig(en) / deme wir Ewer G(nad)e in aller gelugselig(en) wolfart / und allem fridlichem zcustande / mit fleis entphelen. /

Geben Dantzig, am tage sanctae Catarinae anno etc. XXXVII.

Ewer F(urstliche)n G(nade)n dinstwillige burgermeister und radtma(n) der stadt Dantczigk