AAWO, AB, D.96, f. 134v

Dem Erwirdigenn in Got, unserem besondern lieben freundt unnd nachbarnn, hernn Johansenn bischoffenn zu Ermlanth

AAWO, AB, D.96, f. 134v

Unnsere freuntliche dinst zuvornn.

Erwirdiger in Got, besonder lieber freunt und nachbar. /

Nachdeme wir vermergkenn, / das E(uer) L(ieb), wan sie sich nach Crackaw begebenn, ire reyse auf Braunsbergk und Frauenbergk zu nemen wollen. Und uns etzliche sachen, / dorann uns und unsern landen gelegenn, / dÿ wir mit E(uer) L(ieb) und irem wirdigenn capithell / gernn reden wolt(en) lassenn, vorgefallenn, / so bithenn wir gantz freuntlichen, / E(uer) L(ieb) wolle unbeschweret sein / und uns wan sie gegen der Frauenburgk ankhomen / werdenn, / damit wir die unserigenn sovil gewisser / an E(uer) L(ieb) unnd das wirdige capithell zuschigkenn verstendigen. / Das sein wir freuntlich(en) zuvordinenn gewogenn. / Und thun E(uer) L(ieb) hiemit dem allemechtigen Goth in seinen gotlichenn schutz bevelhen. /

Dat(um) Konigspergk, den IIII Aprilis anno im XLIIII.

Von Gottes gnadenn Albrecht marggrave zu Brandenburgk, in Preussen, zu Stettin, Pommern, der Cassuben und Wenden hertzogk, burggrave zu Nurmbergk und furst zu Rugenn manu propria subscripsit adscribed, in the hand of sender⌈manu propria subscripsitmanu propria subscripsit adscribed, in the hand of sender⌉