Tekst #648
Sigismund I Jagiellon do Gdańsk Town CouncilCracow (Kraków) 1512-03-20
Rękopiśmienne podstawy źródłowe:
| 1 |
Publikacje:
| 1 | DEMBIŃSKA 1948 Nr 8, s. 32-33 (in extenso) |
Tekst + aparat krytyczny + komentarz Zwykły tekst Tekst + komentarz Tekst + aparat krytyczny Ekscerpty dotyczące podróży Dantyszka
Sigismundus Dei gratia rex Poloniae, magnus dux Lituaniae, Russiae Prussiaeque dominus et heres
Famosis praeconsulibus et consulibus civitatis nostrae Gdanensis, fidelibus nostris dilectis gratiam nostram regiam.
Famosi fideles nostri dilecti.
Honorabilis Ioannes Flaxbinder, notarius noster, quasdam habet actiones coram vobis nomine honestae Catherinae Telgesche, consanguineae suae, occasione cuiusdam appellationis ad vos a iudicio bannito factae, cuius causae se procuratorem irrevocabilem esse asserit. Quapropter, ne aliquid ea in re, dum coram non est, patiatur, praeiudicium vobis mandamus omnino habere volentes, quatenus, ex quo ipse actor est, in causa praefata nullus fiat processus, donec ipse ex curia nostra adesse poterit. Secus facere non ausuri pro gratia nostra.
Datum Cracoviae, Sabbato ante Dominicam Laetare, anno Domini millesimo quingentesimo duodecimo, regni vero nostri sexto.
Ad mandatum regiae maiestatis