Sigismundus Dei gratia rex Poloniae capitaneis, tenutariis, burgrabiis, vicecapitaneis, proconsulibus et consulibus civitatum et oppidorum in regno et dominiis nostris ubilibet existentibus, ad quos hae praesentes litterae nostrae pervenerint, fidelibus dilectis, gratiam regiam.

Fideles dilecti.

Mandamus vobis districtius, ut nobili et egregio Ioanni Dantisco, secretario nostro, in nostris et reipublicae arduis negotiis Cracoviam currenti de sex equis podwodarum cum curru vel sine curru, utcumque necessitas poposcerit, provideatis et providere faciatis irrecusse, diei et nocti minime parcendo diuturnitateque data praesentium litterarum et libertatibus vestris non obstantibus.

Pro gratia nostra aliter facere non ausuri.

Dat(ae) or Dat(um)⌈Dat(ae)Dat(ae) or Dat(um)⌉ Vilnae, die sanctae Sophiae.