BCz 274, p. 59

Quod nobis scribit Vestra Sinceritas de novo pontifice et quod de illius utilitate in rem Austriacam et in nos benignitate sperat, idem et nos speramus, audientes eum singulari prudentia et magnitudine animi praeditum. Dolemus autem imprimis mortem reverendissimi domini protectoris nostri, in cuius locum quem delegamus, tam cito deliberari non possumus, sed postea bene resoluti voluntatem nostram Sinceritati(?) Vestrae declarabimus.

Datum Cracoviae, ultimo Februarii 1523.