Dem edlen, ernfesten, / unserm libnn, getrewenn und gutten freunde Peter Kobersze, houptman uff Neidenburgen.

Unserenn gunstigen grus czuvorann. Edler, ernfesterr, lieber, getrewer und gutter freundt.

Wir haben, wie ir in ewermm itzigenn schreibenn anczeigt, in unsermm lande ein gemein herschauung czu haltenn aufebothenn, [w]ie dan euch unsere ... leut angekundiget. Dieweil ihr aber euch der dinste halbenn, / so ihr von den gutterenn, / in unserenn gutstetschen und vormditischenn camerampternn gelegenn, thut boswerenn, [d]as andre mher in [g]emelch gutternn nebenn [e]uch teil darinnenn habenn, / muget ir euch mit in der dinste halben [v]ergleichnn, do mit den genug gesche noch laut der hantfhesten / und wie czuvor von denen gedinet ist wordenn, / domit die dinste, so uns von denselbtenn gutterenn geburenn, unvorkurtzet bleibenn. Desgleichen ...eabt ir ouch thun [v]on denn im worme[d]itschen gelegen, / noch anczeigung ewer [v]orschreibung, / die ir [h]ir uff habt / in unsernn [b]uchernn vorfasset, / [u]nd den andren vormundernn seligen hern Jorgen Kunheims kindrenn solchs ouch ansagen, [u]ff das hirinnenn der angesaczten zceit werde noch gekomenn. / Welchs wir euch gunstigerr weis uff ewer schreibnn nicht habnn wollnn vorhalten. / Gotlichnn gnaden befolnn. /

Datum aus unserm schlosse Heilsberg, den XXVII Marcii MD XLV.