» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #871

Ioannes DANTISCUS to Sigismund I Jagiellon
Löbau (Lubawa), 1532-12-29


Manuscript sources:
1fair copy in Latin, autograph, BNW, BOZ, 2053, TG 15, No. 1800, f. 206-207
2copy in Latin, 16th-century, BJ, 6557, f. 375r-v
3copy in Latin, 16th-century, BK, 217, No. 467, f. 397v
4copy in Latin, 16th-century, BCz, 271, f. 402r
5copy in Latin, 18th-century, BCz, 49 (TN), No. 288, p. 810 + p [1] missed in numbering after p. 810
6copy in Latin, 18th-century, BCz, 274, No. 233, p. 473

Auxiliary sources:
1register in Polish, 20th-century, B. PAU-PAN, 8247 (TK 9), f. 439

Prints:
1AT 14 No. 550, p. 840-841 (in extenso; Polish register)

 

Text & apparatus & commentaryPlain textText & commentaryText & apparatus

 

BNW BOZ TG 15 nr 1800, f. 206r Serenissima regia Maiestas, Domine et Domine clementissime. Humillimam perpetuae meae servitutis commendationem misi.

Superiori die misi superinscribed⌈misimisi superinscribed⌉ ad illustrem ducem in Prussia fratrem meum in quibusdam negotiis vicinitatem nostram spectantibus, qui rediens rettulit mihi dominum ducem bene erga me affectum, id dumtaxat illum aegre ferre, quod in rebus ecclesiasticis et spiritualibus episcopos eius, unum consecratum, habentem uxorem et alium non consecratum etiam uxorium, non recognoscam pro episcopis ecclesiae nostrae conformibus, quod si mihi licet nec ne, non est Serenissimae Maiestati Vestrae incognitum. Nihilominus postulavit a me, ut fratrem eius illustrem et reverendum dominum Vilhelmum Serenissimae Maiestati Vestrae commendarem, qui praeter id, quod coadiutor est Rigensis on the margin⌈RigensisRigensis on the margin⌉, Osiliensis etiam nuper est electus. Quem Serenissima Maiestas Vestra iure et necessitudine sanguinis et quantum humillimae meae preces possunt, commendatum quaeso habeat et ea in re gratia Sua prosequatur meique clementer rationem habeat in condonatione contributionis.

De Fasoldo vereor, ne novam nobis in Prussia excitet tragoediam, quandoquidem dominus dux induci non potest, ut in gratiam illum recipiat. Spigel cubicularius Serenissimae Maiestatis aliquamdiu apud me male habuit, non potuit igitur redire citius.

Quod reliquum est, me Serenissimae Maiestati suppliciter commendo. Christus, Dominus noster, det Serenissimae Maiestati Vestrae et istum novum et quam plurimos alios in diutissima salute et prosperitate transigere annum.

Ex castro Lubaviensi, 29 Decembris anno Domini 1533

Serenissimae Maiestatis Vestrae humillimus capellanus et servus Iohannes episcopus Culmensis manu propria[2]

[2 ] in AT 14 the text follows: Scripsi hiis diebus Serenissimae Maiestati Vestrae non pauca, in quibus summopere cupio esse exauditus neque diffido, quin aliqua ex parte votis meis Serenissima Maiestas Vestra respondebit, praesertim in condonatione contributionis et in defensione contra adversarium Serenissimae Maiestatis Vestrae et meum, qui conatur me ex iure, quod per gratiam Serenissimae Maiestatis Vestrae habeo, ecclesiae Varmiensis eiicere, quod tamen quam diu mihi adminiculo suo Serenissima Maiestas Vestra affuerit, futurum non est.