AAWO, AB, D.66, f. 1v unnumbered after f. 95

Magnifico et generoso domino, domino Iohanni Dantischo, serenissimi regis Poloniae secretario, ac ora paper damaged⌈[ac ora]ac ora paper damaged⌉tori dignissimo etc., domino plurim paper damaged⌈[plurim]plurim paper damaged⌉um observando etc.

AAWO, AB, D.66, f. 95r

Alfonsus Primus rex Aragonum adoptatus a quadam regina Neapolis nomine Iohanna Secunda, quae successit regi Ladislao, eius fratri, expulso rege Renato Gallo et adepto regno Neapolitano transportavit ibi Ferdinandum Primum, eius filium naturalem. Cui Ferdinando dedit in uxorem Isabellam, dominam Claromonte, neptem ex sorore cuiusdam principis Tarenti nomine Iohannis Antonii de Baucio de Ursinis, ex qua ipse Ferdinandus genuit quattuor mares et duas feminas, videlicet Alfonsum, Federicum, Iohannem, Franciscum, Helionoram, ducissam Ferrariae, et Beatricem reginam Ungariae. Alfonsus duxit uxorem Ipolitam Mariam filiam legitimam et naturalem Francisci Sforczia ducis Mediolani. Ex hac vivente patre genuit Ferdinandum, Isabellam et Petrum. Ille Alfonsus successit patri in regno et vocatus est rex Alfonsus Secundus. Ferdinandus, eius filius ex dispensatione pontificis habuit in uxorem Iohannam eius amitam, filiam legitimam et naturalem Ferdinandi Primi, eius avi susceptam, et procreata ex Iohanne uxore secunda filia legitima et naturali regis Aragonum Iohannis nomine et fratris supradicti Alfonsi Primi. Hic successit patri et vocatus fuit Ferdinandus Secundus et sine filiis obiit on the margin⌈et sine filiis obiitet sine filiis obiit on the margin⌉. Iohanna eius uxor habitis civitatibus et terris tam pro dotibus matris quam suis, licet pluries fuerit temptatum transeundi ad 2-a vota, permansit semper vidua usque ad mortem. Isabella soror dicti Ferdinandi Secundi nupta Iohanni Galeacio Maria Sforczia duci Mediolani procreavit ex eo Franciscum et dominam Bonam nunc reginam Polloniae et aliam filiolam in infantili aetate defunctam, et Franciscus praedictus moritur Galliae. Petrus vero adolescens moritur on the margin⌈moriturmoritur on the margin⌉. Regi Ferdinando Secundo, quia sine herede propria(?) decessit, Federicus eius patruus successit, cui erat uxor Isabella de Baucio, filia quondam Pyrrhi de Baucio principis Altamure, ex qua habuit AAWO, AB, D.66, f. 95v tres mares et duas feminas, quorum primogenitus et dux Calabriae Ferdinandus nomine in castro Sativae(?) detentus a quodam rege catholico, in Catalunia hactenus permanet. Caesar 2-o genitus, qui erat apud regem Gallorum, in eius adventum in Italiam fluxu periit. Alfonsus tertiogenitus cum sororibus et regina eorum matre Ferrariae penes ducem suum consobrinum reperitur. Hic Federicus regno expulsus Galliae moritur.

Iohannes tertiogenitus Ferdinandi Primi Romae cardinalis et iuvenis moritur et Franciscus eius frater similiter iuvenis migravit ad patres.

Post haec regnum Neapolitanum pervenit ad regem catholicum.