» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #6686

Ioannes DANTISCUS to Ermland (Warmia) Chapter
Heilsberg (Lidzbark Warmiński), 1546-03-22


Manuscript sources:
1fair copy in Latin, in secretary's hand, RA, Extranea IX Polen, vol. 148, f. 12-13

Prints:
1PROWE 1853 p. 26 (reference)

 

Text & apparatus & commentaryPlain textText & commentaryText & apparatus

 

RA, Extranea, Polen, vol. 148, f. 13v

Venerabilibus dominis praelatis et canonicis capituli ecclesiae nostrae Varmiensis fratribus sincere nobis dilectis

RA, Extranea, Polen, vol. 148, f. 12r

Ioannes Dei gratia episcopus Varmiensis

Venerabiles Domini fratres sincere dilecti.

Proficiscitur ad ecclesiam Venerabilis Dominus Ioannes Hannow canonicus, confrater et nepos noster, a nobis (Dei gratia auxiliante) subdiaconus ordinatus, ut ex more triginta dies compleat et numero Fraternitatum Vestrarum plene addatur, quem ob id putamus gratiorem carioremque futurum, quod frater eius in urbe Roma pro commodo Fraternitatum Vestrarum, contra adversarium nostris expensis, quae se ad duo millia ducatorum, cum iis, quae accesserunt, extendunt, per septem annos, res Fraternitatum Vestrarum tutatus est, et nostra opera quietem ac tranquillitatem ecclesiae et Fraternitatibus Vestris hucusque integram conservavit, et hoc quidem ex mera nostra benevolentia, Fraternitatibus Vestris, ut non ambigimus, satis cognitam. Quas feliciter valere optamus.

Dat(ae) or Dat(um)⌈Dat(ae)Dat(ae) or Dat(um)⌉ ex arce nostra Heilsberg, XXII Martii MDXLVI.