Letter #6168
Ermland (Warmia) Chapter to Ioannes DANTISCUSFrauenburg (Frombork), 1540-10-20
| received Heilsberg (Lidzbark Warmiński), 1540-10-22 Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
AAWO, AB, D.122, f. 19vReverendissimo in Christo Patri ac Domino, domino Ioanni Dei gratia ecclesiae Warmiensi episcopo, domino nostro gratioso
AAWO, AB, D.122, f. 19rReverendissime in Christo Pater, excellentissime domine praesul, domine gratiose.
Studia et obsequia nostra indefessa sunt in vota Reverendissimae Paternitatis Vestrae ex sententia destinata.
Gratiose Domine.
Quandoquidem tempus ad Vestrae Reverendissimae Paternitatis velle et videre pro conspiciendis molendinariis structuris praefixum ineptum et de certis causis eodem tempore incidentibus incongruum est etc., facile a nostro proposito remittimus et Vestrae Reverendissmae Paternitatis deliberationi acquiescimus, modo non sit Reverendissimae Paternitati Vestrae grave per litteras cum illustrissimo Prussiae principe agere et pro ablegandis ad primam Decembris ad locum eiusdem molendini suis nuntiis instare, ut oculis praeiudicialis structura subiciatur et edoctis atque commonstratis gravaminibus tandem sine evasione aut procrastinatione tollatur.
Reverendissimae Paternitatis Vestrae incolumitate aeterno Deo feliciter recommissa.
Warmiae, 20 Octobris anno M V-c XL.
Eiusdem Reverendissimae Paternitati Vestrae officiosissimi studiosissimique praelati, canonici atque capitulum ecclesiae Warmiensis