» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #6116

Mauritius FERBER to Ioannes DANTISCUS
Heilsberg (Lidzbark Warmiński), 1537-01-03
            received [1537]-01-11

Manuscript sources:
1fair copy in Latin, in secretary's hand, author's signature, AAWO, AB, D. 8, f. 91
2office copy in Latin, AAWO, AB, A 1, No. 1055, f. 448r

Auxiliary sources:
1register in German, 20th-century, B. PAU-PAN, 8248 (TK 10), f. 370

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Culmensi, fratri et amico carissimo ac plurimum honorando

Reverendissime in Christo Pater et Domine, domine frater et amice carissime ac plurimum honorande.

Ad litteras Reverendissimae Dominationis Vestrae, datas Cracoviae XIII Decembris, ante triduum respondi aliaque, quae tunc occurrebant, scripsi.

Ad praesens nihil aliud est, quam quod nolui hunc familiarem meum, isthuc propter suum privatum negotium recta volantem, meis litteris vacuum venire.

Hoc tamen significare visum est, quomodo rex electus Daniae episcopos regni magna tyrannide persequitur, detentis ipsis non secus, ac si essent proditores, in reorum carceribus, bonis eorum (ut fertur) interim in praedam datis.

Quid praepositus ecclesiae meae Warmiensis isthic moliatur, ignoro. De eo in superioribus litteris meis latius scripsi.

Dicunt etiam illustrissimum dominum ducem, vicinum meum, adornare profectionem versus Cracoviam. Quo si iturus est, hospes meus fortassis erit hic in Heilsberg. Faxit Deus, quod omnia sincere ac tuto fiant. Ego in hunc diem in ea valetudine sum, qua fui, cum Prussiam exiret Reverendissima Dominatio Vestra.

Quam feliciter sospitet ac ab omnibus malis salvam usque ad felicem reditum conservet Christus.

Ex Heilsberg, III Ianuarii MDXXXVII.

Eiusdem Reverendissimae Dominationis Vestrae bonus et sincerus frater Mauricius episcopus Varmiensis subscripsit