Dem edlen, wolgebornen hern ⌊Karnelius⌋ von ..., ⌊koniglicher maiestet⌋ rot und sekretari, in abwessen dem hern ⌊bischoff von Kolmese⌋
Das ir frisch und frolich vert, wer mir ein sundre freid. / Noch dem ir visn, vas euch ⌊herczog Konstantin⌋ seliger seinem son, ⌊herczog Iligen⌋, in gut bei der ⌊romischen kaserlichen meistet⌋, auch bei der selbigen ⌊kuniglichen maiestet⌋ befolen hot czu verben, / ist nu herczog Iliias begern / ... an mich, Euch czu schreiben. / Ir volt seinen ⌊genoden⌋ von ir ⌊kaseerlicher⌋, auch ⌊kuniglicher maiestet⌋ furdernes brif erlangen an ⌊konigliche maiestet czu Polen⌋, auch an di ⌊kunigin⌋, / darin ir kaserlich maiestet anczeget, vi ⌊herczog Kanstantin⌋ seliger seinnen son Iligen iren mesteten in furdrung befolen. Der vegen were ir ⌊maiestet⌋ begernn, ir ⌊konigliche maiestet⌋ volten von vegen der trein dinst seines ⌊fatre⌋ ein genedig uff sehen uff in haben und in seinem anlig[en] und begern in erhoren / und also dergleichen. Vi ir inn vo czu tun viset, volt im auch di kopein der selbig[en] brif do bei uber senden und das ⌊ir maiestet⌋ ⌊herczog Ilige⌋ auch do bei gene[dig]lich schr..., auch uf di menung: / Es hot uns Euer ⌊fater⌋ an langen lossen, vir sulten Euch in unssrem genedigenn befelich und furdrung hal.... Der vegen schiken vir euch disse brif unsren vir Euch in einem merern genedigen vilen czu erczeigen, fint ir uns alveg in genoden genegt. Ir vert im vol vissen czu tun. / Do mit Got befolen.
Ich bit ir volt dis in kein nochlessiket schtelen, dan ich ⌊sein genoden⌋ euer brif czu samt eurem erbiten, so ir mir czu ⌊Prag⌋ uffgelegt, gar treilich uber antvort. / Sein ⌊furstliche genoden⌋ wirt es mit der czeit genediglich keg... for gelten.
