Dem durchlauchten, hochgebornen fursten und herrn, herrn Albrechten, / von Gots gnadennn marggraff zu Brandenburg, / in Prewssen, / zu Stetin, Pommern, der Cassuben und Wenden hertzog, / burggraff zu Normberg / und furst zu Rugen, / unserm hochgunstigen, lyben herrn und freundt

Durchlauchter, hochgeborner furst, hochgunstiger, lyber herr und freundt. / Unsere freuntliche, wÿllige dinst zuvoran. /

Wir schicken alhie an Ewer Furstliche Durchlaucht den erbarn und hochgeachten Valten Brawchwitz, unsern hoffhernn und hoff radt etc. / welchn wir etliche unwichtige und ungeferliche sachen an Ewer Furstliche Durchlaucht zu bringen / hefftig und mit sondrem vleis befolhennn haben. / Bytten derhalben / Ewer Furstliche Durchlaucht noch ansehung des botschaffters / und wÿ dÿ sachen sein, in dem allen glawben zu gebenn und uns hirin wÿlfharenn. / Das woln wir in sonderheÿtt umb Ewer Furstliche Durchlaucht, die wir Gott in guther, langweriger gesuntheÿtt thun befelhen, vorschulden / und vordynen. /

Datum aus unsermm sloss Lobaw, XXI Octobris M D XXXVII.

Ioannes, von Gots gnaden colmischr byschoff, administrator zcu Pomesan / und postulirt zu Ermelandt