Furstlicher Durchlaucht in Preussen, meinemm hochgunstigen, liben etc. hernn und freunde zu hant

Duchlauchterr, hochgebornerr furst, / hochgunstigerr, vilgeliebterr her und freundt. /

Mein freuntlich und gancz wllige dienst zuvorann.

Was ich noch meinemm slechtem vorstand uff Euer Furstlichen Durchlaucht furdren / dem edlen, ernfesten Euer Furstlichen Durchlaucht heuptman zu Tapiau unnd roth, her Jorgen von Kunheim / hab zu einemm bericht, / in der eil / und fast korcz bedocht, / in den wichtigen sachenn, / die Euer Furstliche Durchlaucht an mich hot lossen gelangen, / zu antwurt vor mich selbst gegebenn, / wirt Euer Furstlichen Durchlaucht von im / und dem edlenn, ernfesten hern danczker castellann, / mit dem ich weit lofftigerr geredt, / vornemenn. / Wil derhalben dissem schreibenn abbrechenn / mit erbittung, / wie negst zu Konigsberg Euer Furstliche Durchlaucht von mir gehort, / wilferig und freuntlich zu dinenn alzeit fleissig gefundenn werdenn / und mich gernn noch Euer Furstlichen Durchlaucht willenn, / so vil mir ummer muglich, halten unnd richtenn, / in der selbten gunst ich mich gancz vertrewlich thu befelenn / Got den almechtigen bittende, Euer Furstliche Durchlaucht in glukseligemm regiment unnd gesundem, langwerigem lebenn zu enthaldennn.

Datum Heilsberg, XV Novembris M / D / XXXIX.

Euer Furstlichen Durchlaucht williger Ioannes, bischoff zu Ermelandt / manu propria