Venerabilibus dominis praelatis, canonicis et capitulo ecclesiae nostrae Varmiensis, [fra]tribus sincere nobis dilectis

Ioannes dei gratia episcopus Varmiensis

Venerabiles Domini, fratres sincere dilecti.

Dedimus bona nostra deserta, ut in exemplo inscriptionis habetur, nepoti nostro. Quod, ut Fraternitates Vestrae perlegant suumque assensum benevolum adhibeant, plurimum oramus. Fuerunt bona illa a tempore non modo novissimi, verum etiam superioris belli, mensae episcopali nullius usui, quem ea collatione sub unius equi servitio ceraeque et annona <e> in posterum praebebunt. Quemadmodum venerabilis frater noster dominus administrator latius Fraternitatibus Vestris referet.

Quas feliciter valere optamus.

Datae ex arce nostra Heilsberg, IX Novembris MDXL.