AAWO, AB, D.97, f. 143v

Dem Erwirdigenn inn Gott unnserm besondernn hidden by binding⌈[nn]nn hidden by binding⌉ liebenn freundt unnd nachparnn, hern Johannsenn bischoven zu Ermelandt

AAWO, AB, D.97, f. 142r

Unnser freuntlich diennst zuvor.

Erwirdiger inn Goth, besonnder lieber freundt unnd nachpar. /

Nachdem wir E(uer) L(ieb) kurtzverflossener zeit / wegenn der ausfur des getreidichs mit summen / geschriebenn, / unnd unns E(uer) L(ieb) darauff zweÿmal, / denn 8 unnd 16 Novembris / verschÿnes 46 jhars, / dass dieselb sich unnser wolmeÿnendes nachparlichs annzeigenn unnd bedenckenn / freuntlichenn gefallenn lassenn. / Auch auffs vleÿssigste fur ihre person darann seÿnn wolt(en), / damit die vorkeuffe / unnd heuffige ausfhur dess getreidichs gewheret / unnd keÿnem zugelassenn wurdenn. / Auch durch eÿnn offentlich edict eÿnn solchs E(uer) L(ieb) unnderthanenn / mit anhenngung der straff, / so inn der landtsordnung ausgedruckt, / verbittenn lassenn / inn anthwort gebenn. /

Worauff wissenn wir E(uer) L(ieb) freuntlicher nachparlicher meÿnung nicht zubergenn, / dass wir bericht, / wie gleichwol auss E(uer) L(ieb) stifft, / dass getreidich / so inn dasselbige gefurt unnd eÿngekaufft / nicht zu geringem nachteÿll gemeÿner wolfart, / unnsers erachten ohne E(uer) L(ieb) vorwissenn, / genn Danntzigk, / Elbÿnngk / unnd anndere mehr orther, / vonn do es weÿther zu offenem wasser ausgeschifft wurt, / verfurt werden. Welchs dan widder E(uer) L(ieb) ausgangene edict vonn derselbenn unnderthanenn / vorgenhomen. / Dieweÿll AAWO, AB, D.97, f. 142v aber leider durch schickung Gots unnd ungezweifelt hidden by binding⌈[lt]lt hidden by binding⌉ umb unnser grossenn sundenn wÿllenn die teurung furder hanndt, / dass wether auch, / wie fur augenn / sich teglich dermassenn annlest, / dadurch zuvormuthenn, / dass getreidich auffs hidden by binding⌈[s]s hidden by binding⌉ kunftige jhar nicht sehr (do doch zu dem liebenn Got eÿnn bessers zuhoffenn) gerath(en) mochte. / Auch wo dass getreidich so itziger zeit vorhannden, also beÿ summen ausgefurt unnd durch geschlept hidden by binding⌈[t]t hidden by binding⌉ werdenn sollte, / beÿderseits lanndenn unnd leuth hidden by binding⌈[h]h hidden by binding⌉[...] hidden by binding⌈[...][...] hidden by binding⌉ nicht geringer beschwer unnd nachteÿll (wie E(uer) L(ieb) alss der vorstenndige leichtlich zuerachtenn ) hidden by binding⌈[)]) hidden by binding⌉ daraus ervolgenn wollte. / Unnd gleichwoll der hidden by binding⌈[r]r hidden by binding⌉ gemeÿne nutz denn eigenenn vorzusetzenn und hidden by binding⌈[nd]nd hidden by binding⌉ vor allenn dÿngenn zubedenck(en). /

So ist ahnn E(uer) L(ieb) unnser freuntliche bittenn, / dieselbenn wolten hidden by binding⌈[olten]olten hidden by binding⌉ die irig(en), / damit sie sich dess ausfurenns nach Dannzigk, Elbÿng ader anndere mehr orther, / vonn do es dann weÿther / wie obgemeldt, / aller hidden by binding⌈[r]r hidden by binding⌉seitzs lanndenn zu nachteÿll ausgeschifft wirt, / unnd daraus nicht geringe teurung inn unnserm furstenthumb, / auch E(uer) L(ieb) stifft ervolgt, / enthaltenn, / vorwarnenn. / Do aber jemanndts hiruber betredtenn, / dennselben E(uer) L(ieb) vermelbenn unnd zusagenn nach / straffen.

Nebenn dem wollenn E(uer) L(ieb) derselbenn vertre(?) hidden by binding⌈[re(?)]re(?) hidden by binding⌉tung nach / irenn unnderthanenn ernstliche hidden by binding⌈[e]e hidden by binding⌉[...] hidden by binding⌈[...][...] hidden by binding⌉ AAWO, AB, D.97, f. 143r vorbittenn, dass sie sich dess vorkeuffenns inn unnserm furstennthumb enthaltenn. / Dann do jemanndts hiruber begriffenn, / wollenn wir ienn vermoge der lanndtsordnung straffen. Wo sich nhun E(uer) L(ieb) hirinnenn (wie wir unns dann d<i>esenn zu derselbenn aus hochangezogene(n) bedenncklichenn ursachenn genntzlich vorsehen) freundt unnd nachparlich erzeig(en) werdenn, / hoffenn wir, der vather aller gnadenn (darumb auch derselbe embsiglich zubittenn) werde[...] paper damaged⌈[...][...] paper damaged⌉ gnediglich seÿnenn segenn unnd gedeÿ geben unnd vorleÿhenn, / damit der teurung gewheret / unnd vorkhomen. / Zu unnserm theÿll wollen wir unns hinwider der bÿlligkeit nach / halt(en) unnd erzeig(en). / Auch zu furderung dess handels ahnn unns nichts erwÿnndenn lassenn. /

Unnd thun hiemit E(uer) L(ieb) dem schutz des allerhohestenn bevhelenn. /

Dat(um) Konigsbergk, den XVIII Ianuarii anno etc. im XLVII-t(en).

Vonn Gots gnadenn Albrecht marggraff zu Brandenburgk, inn Preussenn, zu Stettin, Pomernn, der Cassub(en) unnd Wennden herzogk, / burggrave zu Nurmbergk unnd furst zu Rugenn etc. manu propria subscripsit