APG 300, 53, 393, p. 20

Den ersamen und namhaften herrenn burgermeister und ratman der ko(nigliche)n stad Dantzig, unsern besondern, guten freunden

APG 300, 53, 393, p. 17

Unsern freuntlichen grus und alles guts zuvoran. / Ersame, namhaftige herren, besondere, guthe freunde. /

Es zeucht unser underthan Hans Rotermundt, burger zu Heilsberg, mit seiner kranken tochter in E(wer) E(rbarkei)t stadt zu einem artzt, Paulus S illegible⌈[S]S illegible⌉yelenburger gna(?)nt, welchen, weil wir im sonderlich gnediglich gewogen, an unser vorschrift wir niht(?) von illegible⌈[von]von illegible⌉ hinnen haben wollen lassen, / freuntlich bittende, E(wer) E(rbarkei)t wollen gedachtem artzt bevelhen, das er bei der kranken jungfer wolte vleis haben, / unangesehen, das es im bei seinem handtwerg verweiglich sein mochte, / dan es ist jo christlich unsers bydunckens, das uns dem andern in solchen noten hulfet unnd erret. Das wollen wir umb E(wer) E(rbarkei)t, die wir gotlichen gnaden bevelhen, in aller freuntlicheit zubeschulden gevlissen sein.

Dat(um) aus unserm schlos Heilsperg, den letzten tag Februarii 1542.

Joannes, von Gots gnaden bischoff zu Ermelandt