Dem edlenn unnd erenvhesten hern Hansen von Werdenn, burggravenn unnd burgermeister der ckoniglichen stadt Dantzig, / houptmann zu Neuenburg und Preuschenmarckt, / unserm besundren, lieben freunde /

Freuntlichnn grues mit aller wolfart wunschung zuvorann. / Edlerr, ernfesterr herr, vilgeliebterr freundt. /

Es sein mir etliche hendel angefallenn, / in welchen ich dennn hochwirdigen hernn zu Colmese, / meinenn liebnn hern bruder, / durch meinenn kentczlerr ersucht hab / in demm, was denn ausczog mit der legacionn betrifft. / Weil dann solchs mit schrifften nicht fueglich kan ausgericht werdenn, / ist mein freuntlich bit, Ewer Herlichkeit wolde sich mit den erstenn hie her zu mir begebenn, / mit der mich zu beredenn, / uff welche zceit der ausczog mochte sein im bekuemsstenn, / [denn] es ist nicht wenig darann gelegenn. Derwegenn wolte sich Ewer Herlichkeit mit den ersten uff den weg zu mir machen, / die mir ein fast angenemerr gast wirt sein. / Gotlichnn gnaden in langwerigerr gesuntheit befolennn.

Datum Heilsberg, den XXIII Iunii M D XLVI.

Joannes, bischof zw Ermelant, manu propria etc.