APG 300, 53, 267, p. 102

Den ersamen und namhafftigen herren burgermeister und rathman der ko(nigliche)n stadt Dantzke, unsern gunstigenn freundenn.

APG 300, 53, 267, p. 99

Unsern freuntlichen grus und alles gutten zuvoran. Ersame, namhafftige herren, gunstige freunde.

Wir haben E(wer) E(rbarkei)t schreyben von diesem boten heutigs tag entpfangen, / darinnen sich entschuldigen, worumb uns bisher uff unser / in der herren rethe dieser lande / nahmen schreyben an E(wer) E(rbarkei)t vor ostern[1] ausgangen von derselbten E(wer) E(rbarkei)t zu antworten ist underlassen, / dovon wir unser person halben wenig beschwer entfunden. / Es hette dennoch wollen geburen, dieweil der muntz handel aus befelich ko(nigliche)r m(aieste)t, unsers allergnedigsten herren, in der herren rethe nahmen durch unsers ampts schreiben an E(wer) stain⌈[E(wer)]E(wer) stain⌉ E(rbarkei)t gekommen, / das daruff zeitlicher wer wurden anzeigung gethan, / domit wir ko(niglich)e m(aieste)t, / der dieser handel fast anleit, E(wer) E(rbarkei)t willens hetten mugen berichten, / daruff wir unsern botten, / den wir an hoff zu schicken gesint, / bis an diese zeit haben vorzogen. / Hievon und anderm behalten wir bis uff negster tagefart mit E(wer) E(rbarkei)t geschickten uns zu unterreden. Got in sein gnad befolhen.

Dat(um) aus unserm schlos Heylsberg, den XXIX Aprilis M D XL.

Ioannes, von Gots gnaden bischoff zu Ermelandt.

[1 ] March 28