APG 300, 53, 267 p. 16

Den ersamen(n), namhafftigen(n) hern burgemeyster und radtmane / der ko(nigliche)n stadt Dantzke, / unsern(n) besondern(n), guten freunden(n).

APG 300, 53, 267 p. 13

Unsern freuntlichen grus und alles gutn zuvoran. / Ersame, / nhamhafftige hern, besondre, guthe freunde. /

Wir haben gestrigs thags E(wer) Er(barkei)t schreyben neben dem erlichen geschenck uns zu ehren(n) unser lyben swester zugeschickt / entpfangen, / und das uberreycht, / davor wir und sy E(wer) Er(barkei)t mit vleys thun dancken. / Wollen auch ein solchs mit aller freuntschafft freuntlich beschulden. / Dass aber E(wer) Er(barkei)t durch den edlen, ernfesten hern Hansen von Werden, E(wer) Er(barkei)t mittels burggraff und burgemeyster etc. zu solcher unser swester wirtschafft gebethenn, / sich mit nicht unbyllichen ursachenn(n) entschuldigen, / musse wir lassen geschen, und E(wer) Er(barkei)t zu gut halden. / Gott der almechtig, / dem wir E(wer) Er(barkei)t befelhenn(n), / vorley E(wer) Er(barkei)t und der guthen stadt, unserm vatherlande, / wyderumb sein gotliche gnad und barmhertzikeytt, / damit dyse swere lufft zur ghe, / und guthe gesuntheyt brengende widerkome. /

Datum aus unserm slos Heylsberg in sant Martens thag, den XI Novemb(ris) M D XXXVIII illegible⌈[II]II illegible⌉.

Ioannes, von Gots gnaden(n) byschoff zu Ermelandt.