Den ersamen, namhafftigen herrnn burgemeÿster und radtman derr koniglichen stadt Dantzke, unsernnn gunstigen freundenn

Unsernn freuntlichen grus und alles guthen zuvoran. / Ersame, namhafftige hernnn, gunstige freunde. /

Nach dem dan uff vleissige, demuetige bytt dÿ hern rethe dÿser lande Prewssen ÿtzt uff negst gehaltenemm landtthag zu Grawdencz / der thugensamen frawen Barbara Bewtlerin, witwe wonhafftig zu Thornnn, / haben an konnigliche maiestet vorschrÿfft gethannn / und sy auss kleynnem bedrucken yrer nottorff / solcher vorschrÿfft dÿsmal kein copeÿ gefordert, / uns ytzt der halbenn schrÿfftlich gebothenn, / Ewer Erbarkeit, / dyweil wir wÿssen, das magistrats geergnis Ewer Erbarkeit secretarius solche vorschrifft gemacht und dy copeÿ beÿ ihm ÿst, / dorumb zu ersuchen. / Und byttenn Ewer Erbarkeit wol vorschaffen, das pringer diczt brives / der copeyenn ein abschrifft wurde zu gestaldt, / die frawenn zu yrem besten. / Das sein wir umb Ewer Erbarkeit zu beschuldennn geneygt. /

Datumm auss unserm slos Lobaw, den XIX Octobris M D XXXVII.

Ioanes, von Gots gnaden colmischr byschoff, administrator zu Pomesann und postulirt zu Ermelandt