Unsernn freuntl..., guten zuvoran. ...ge herrn, gunstige freunde. /

... haben dy comissio koniglicher majestet, unsers allergnedigsten her..., umb das dorff Grunau mit der citacion copeyen bey dissem bote erhalten, / dy wir unbeswert, wy sy gestelt, hetten sygelnn lassenn, / so des hochwirdigstenn, unssers vylgelybtenn freundes, des herrnnn colmischen byschoffs titel aus unachtung des schreybers nicht wer nachblyben, / der nicht / der löbische, sonder colmischer byschoff zu Rom, / an konniglichem hove, / und allenthalben gerhumet und genent wirtt, [d]er wegen wir die ...tefeltig eins ...lants habnn lossenn abschreibnn, und ge... sigelt, Ewer Erbarkeit zu schicken. Wor wir weytter Ewer Erbarkeit, dy wir Gott befhelhenn, / vyl gunst und forderung wyssen zu thun, / sein wir geneygt. /

Datumm aus unserm sloss Heylsbergk, den III Augusti MD XXXIX.

Ioannes, von Gots gnaden byschoff zu Ermelandt.