Unsernn gunstigen grues zuvorann. Wolbenumfste frundin. /

Ewer schreibnn under ewrmm nhamen, / dobey noch sigel, noch ewre hant, / ouch kein datum, wer das gegebenn, ist uns gestrigs abents gewordenn. Daruff wir euch oder dem, der in ewrem nhamenn geschribnn, zu wissen fuegenn, / das wir uff koniglicher majestet, unsers allergnedigsten hern, schrifftlich furdrenn, uns durch neh negst uberreicht, ewrmm widerteil koniglichen willnn haben zugestelt, / daruff wir bisher kein antwurt uberkomenn, / wissen uns ouch nicht ehrr zcwischenn euch und ewrmm widerteil svelich einzulossenn biss solang, das wir, / wie ir von beyden part... zur sun gewilliget, / bericht werdenn. / An un... nichts abghen, das wir zu freuntlicher underhandlung werden vormugen, / so weit wir dar zu leidlich, / ader den partenn gefellig. / Es ist in unser macht nicht imancz zu sinlichen vortrag, / wie ir negst von uns gehert, / zu zcwingen. / Gote befolnn. /

Datum aus unsermm slosse Heilsberg, den erstn tag Iunii MD XXXIX.