Es hot uns ewer svager, ⌊Jochim Gundelfinger⌋, von euch gen ⌊Krako⌋ negst ein vorschrifft, / darinnen ir uns befhele... ⌊⌋, / die wir fast gern gelesen, / und von we[gen] unser altnn kuntschafft / ewrmm beger und vorbi[t] gern weren noch komenn, / het wir im gewust w[or]inne furderlich zu sein, / wie er selbst villeich hot angeczeigt, / dan euch und den ewrnn vil nucz un[d] guts zu thun erkenne wir uns schuldig und sein willig. / Das wir aber euch bey gedochtnn ewrnn ⌊svager⌋ nicht geantwurt, / ist aus keiner nochlossigheit vorblibnn. / Uns habn das mol zu ⌊Krako⌋ vil gescheffte und wichtige hendel, vonn der wegen wir wenig rhue und musse gehabt, / vorhindert, / und neulich erst mued und gesunt ⌊hie⌋ her in unser bichstumb gelanget. / Wor inne wir euch oder imants in ewremm nhamenn vil lieb und freuntschafft werden zu thun wissen, / solt ir uns alzei[t] unbesvert finden. / Gothe dem almechtigen in sein gnad befholen. /
