Dein ⌊⌋ bei deinemm ⌊sone⌋ / hab wir wol eingenomenn und ist vil dancken / vor das kleine, das dir negst von uns geschen, / unnotig. / Das du aber bey uns roth suchst wider in ehelichenn stant zutreten, / hald wir dir zu guth. / Die person, do du uns von schreibst, / wie du weist, / ist uns nicht unbekant. / Sein vil kinder vorhandenn, / Got wirt sie un vorsorgt nicht lossenn, / des gnad ouch allerley tyre thut merenn. / Vor dan aber mues der beste roth bey dir sein. / Was du hirinne vor das fugligste wirst ansehen, / sol uns ouch nicht misfallenn. / Welchs wir dir / uff dein schreibenn / aus zugeneigtemm willenn nicht habnn wollenn vorhaltenn.
