Wir bodanckenn uns freuntlich kegen Ewer Herlichkeit vor die zuschickte ⌊⌋ und zeitunge, / davon uns auch itzter der her doctor ⌊Hosius⌋, das solche an uns zuvor gefertiget werenn, ⌊⌋ gethan. / Dergleichen aber andere zeitunge seindt uns noch Ewer Herlichkeit abscheidt von hinnen keine zukomen, / die wir dersulben hetten vor dissmol mugen mitteilenn. / Wo uns etzwas hernacher wirdt zugeschriben werden, / sol Ewer Herlichkeit unvorborgenn bleibenn. [W]as den franzo[s]hen botschafter [a]ngeth, davon Ewer Herlichkeit in ihrem schreiben gedencken, / und wir auch mit dersulben kegenwertig geredt habenn, / hat noch bei uns die meinung, / die wir Ewer Herlichkeit damals angezeigt. / Seindt auch ferner mitler zeit von den dingen in kein erfharung kommen, / czweifeln aber nicht, wir kurtzlich davon gewissen boricht haben werden, / welchenn wir alsdan Ewer Herlichkeit nicht vorhaltenn wollenn. Heut seindt wir von ⌊Vormdith⌋ etzlich meilen nach ⌊Heilsberg⌋ vorruckt. / Mussen swacheit halben, / und das uns die bowegung des fharens widdrich ist, / die tagreis teilenn, / und die nacht zum ⌊Freiemnarkt⌋ auf halben wege in unserm dorfe vorharren, / von dannen wir mit gotlichen hulfe / als morgen zu Heilsberg [bei] ⌊Hans Glasnowsky⌋ einzuzihen bodacht seindt. Bovelen hiemit Ewer Herlichkeit gotlichenn genaden mit langweriger gesuntheit.
