Hochwirdigster etc.

Kegenwertiger czeiger,der erhaftig und kunstw... Ioannes ..., der ein organist und orgel macher ist, / sich auch bei uns deshalben ein zeitlang vorhaltenn und unsere instrument gebessert, / hat uns angeczeigt, / das er von der stadt Resel alda etzliche wercke und orgel czuzurichtenn vorschriben were. / Und dieweil ehr den dahin zuczihen itz bedocht ist, / hat ehr uns derwegenn fleisig angela[n]get und gebetenn, / ihnen an Ewre furstliche Durchlaucht mit unserer vorschrift zuvorsorgenn, / damit ehr durch dersulbenn zuthunn / in Ewrer furstlichen Durchlaucht lande und von derer underthan dest bass mochte gefurdert werdenn. / Bitten derhalben freuntlich / Ewre furstliche Durchlaucht wolte ihr gedochtenn Ioannem, d[er] ein gut man ist, / unsernt halben / und umb seiner ku... willen / lassen bovelenn sein, / ihm auch alle furderung erczeigenn, / das wir widder umb Ewre furstliche Durchlaucht, / der wir lange und volkomene gesuntheit von Got dem almechtigen wunschen, / idere zeit zuboschulden wollen willig sein. /

Datum 6 Junii 1547.