BK, 230, p. 142

Reverendissimo in Christo Patri et Domino, domino Ioanni Dei gratia episcopo Warmiensi, domino suo clementissimo

BK, 230, p. 139

Commendata humillima servitute mea in gratiam Reverendissimae Dominationis Vestrae, domini mei clementissimi.

Quod proxime Casparis nullas meas ad Reverendissimam Dominationem Vestram adiunxerim, Reverendissime Domine, in causa fuit susceptum onus servitii in guardia summi pontificis, quod ob inopiam sumptus cum maximo meo detrimento subire coactus sum. Ubi nihil aliud, nisi me singulis horis servitio interesse licet. Unde nisi me Dominatio Vestra Reverendissima, dominus meus clementissimus, in quo omnis spes mea est sita, exemerit, actum erit de me studiisque meis. Quare Reverendissimam Dominationem Vestram obnixe precor me, ut mihi ex canonicatu a venerabili capitulo plus pecuniae, quo felicius in ingenuarum artium studiis versari possim, numeraretur, iuvare velit. Scit enim procul dubio Reverendissima Dominatio Vestra, quantum pecuniae, qui Romae suis sumptibus vivere voluerit, ut habeat, oportet. Et nisi superinscribed⌈nisinisi superinscribed⌉ mihi superesset intimus amicus meus venerabilis dominus Caspar Hannovius, nepos Dominationis Vestrae Reverendissimae, qui me et consilio, et auxilio numquam iuvare intermittit, pereundum mihi esset. Confido itaque P gratiae Reverendissimae Dominationis Vestrae eamque mihi inopi in hoc opem laturam minime dubito.

De Alexandro vero nepotem Dominationis Vestrae Reverendissimae venerabilem dominum Gasparem, cui negotium hoc magis est notum, quo in statu res sint, satis fuse scripsisse certo scio. Hoc unum tamen Dominationi Vestrae Reverendissimae scribere ausim eum ex adventu meo Romam adeo perterritum, ut, quicquid agat aut quo se vertat, nesciat.

Summum pontificem BK, 230, p. 140 proxima Quadragesima Bononiam profecturum communis fama est. Praeter haec nova Romae alia sunt nulla, quae Reverendissimae Dominationi Vestrae digna scribi putem.

Commendo me gratiae et tutelae Reverendissimae Dominationis Vestrae, domini mei clementissimi. Quam ad annos quam plurimos salvam atque incolumem esse opto.

Dat(ae) or Dat(um)⌈Dat(ae)Dat(ae) or Dat(um)⌉ ex urbe Roma, in vigilia Purificationis Gloriosissimae Virginis Mariae anno Domini 1545.

Eiusdem Reverendissimae Dominationis Vestrae humillimus servitor Nicolaus Lok canonicus etc.