» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #2777

Olaus MAGNUS to Ioannes DANTISCUS
Rome, 1544-12-20
            received Heilsberg (Lidzbark Warmiński), 1545-05-28

Manuscript sources:
1fair copy in Latin, autograph, AAWO, AB, D. 6, f. 66
2copy in Latin, 20th-century, B. PAU-PAN, 8244 (TK 6), a.1544, f. 42-43v
3register with excerpt in Latin, English, 20th-century, CBKUL, R.III, 31, No. 357

Auxiliary sources:
1register in German, 20th-century, B. PAU-PAN, 8250 (TK 12), f. 174

Prints:
1KOLBERG 1915 No. 13, p. 49-52 (in extenso)
2DE VOCHT 1961 No. DE, 450, p. 409-410 (reference)

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Iohanni Dei et Apostolice Sedis gratia episcopo Warmiensi, domino et amico carissimo

Reverendissime in Christo Pater et Domine, ac benefactor humanissime,

Pollicebar me in novissimis scriptis meis ultimis diebus Novembris hinc ad Reverendissimam Dominationem Vestram transmissis enodaturum eam perplexitatem, quam tunc imminere dixi super cardinalibus de novo eligendis. Ideoque brevitati inserviens dico summ[i] pontificis auctoritatem voluntatemque multorum opiniones et obiectiones tandem viciss[e] hosque creasse cardinales die 19 Decembris, quae fuit sexta feria quattuor temporum 154[4]:

episcopum Tudertinum de Caesis Romanum,

episcopum Brixiensem Venetum de Corneliis,

episcopum Durantum papae secretarium Brixiensem,

episcopum Forosemproniensem papae secretarium Florentinum,

castellanum Sancti Angeli de Rupinis Romanum,

episcopum datarium Capo de Ferro Romanum,

episcopum oratorem regis Galliae Monsignor Rhodes,

Zafandratum archiepiscopum Mediola[nensem],

Ottonem Truxes episcopum Augustensem,

filium domini de Granvela Atrabatensem Burgundum,

Salburgensem episcopum Germanum,

Compastellanum episcopum Hispanum,

episcopum Corianum Hispanum.

Duos reservatos habet in pectore, quorum unus creditur esse vicarius Archintus, magnus amicus Reverendissime Dominationis Vestrae. Hii ad honorem vocati onera sentient adeo gravia, ut vix similia Hercules tulerit aut vastissimus Atlas. Attamen asserere non audeo, quis eorum deputabitur ad concilium generale, quod utinam Zisipho non evoluatur.

Pax cesaree maiestatis cum Gallo stabilita adhuc creditur in longum tempus permansura, Licet non desint, qui pessima quaeque imminere vaticinantur.

De partibus mei Aquilonis solum exspecto informationem Reverendissimae Dominationis Vestrae, cuius prophetia, heu dolor, ante calamitatem non perspecta verificabitur apud Gedanenses, quorum unicum remedium est, ut cum principibus caeli et terre sese quantocius componant. Cum pare pugnare dubium, cum principe stultum, neque tutum est contemnere divos.

Nicolaus Locka sanus venit ante duas septimanas in hanc Urbem bono consilio nostri Hannovii et meo provide dirigendus.

Felicissime valeat Reverendissima Paternitas Vestra

Ex Urbe, XX Decembris 1544

Eidem Reverendissimae Dominationis Vestrae addictissimus Olaus archiepiscopus Upsalensis.

Postscript:

Salutetur nostro nomine domina Anna, carissima soror Reverendissime Dominationis Vestrae, cum reliquis amicis.