Quas heri ad me magnificus dominus ⌊castellanus Byecensis⌋ litteras misit a ⌊Francisco Horn⌋ sibi relictas, has nunc mitto ad ⌊Iacobum⌋ fratrem in manus Reverendissimae Dominationis Vestrae mittendas.
Post cladem, quam nuper ⌊Thurcae⌋ adverso ⌊Tibisco⌋ amne intulerunt non multum a ⌊Cassovia⌋ satis magnam, abactis ferme hominum millia octo, pecorum millia decemocto(!) capita, nihil aliud fecerunt, quam quod irruptionem ⌊Odenburg⌋ versus a[t]que, si feliciter ipsis cesserit, in ⌊Austriam⌋ usque parant. Quem ⌊ipsorum⌋ conatum evertere dignetur Dominus.
⌊Rex Romanorum⌋ ⌊Wiennam⌋ 6 Augusti pervenit cum ⌊regina⌋ et reginulis duabus, et mirum est, quam fidunt quamque tutas se regis praesentia reginulae credunt.
Paulo antea ⌊Leonardus a Vels⌋ 500 et ⌊Carolus a Seroczy⌋, exercitus perexigui praefectus, totidem equites miserunt, qui praeterito ⌊Strigonio⌋ ⌊Albam⌋ usque pervenerunt et particulari suscepto cum ⌊Thurcis⌋ certamine ante ipsam civitatem hostes in fugam coegerunt, caesis centum quinquaginta tribus in loco certaminis relectis, quadraginta septem captis et abductis, inter quos insigniores putant aliquot. Ex Christianis occubuerunt sex, inter hos insignes nobilitate duo, vulnerati sun
<t>
quadraginta.
Ex ⌊Gallia⌋ hoc habemus heri. Dum ⌊Galli⌋ ex oppido ⌊Fitrol⌋ natura arteque munito ⌊civitati Sancti Desiderii⌋ subsidia parassent, commeatum, victum, pulveres incendiarios, globos et id genus rerum copiam misissent, aliquot ⌊Gallorum⌋ mil<i>tibus ad custodiam adhibitis. Quo cognito ⌊caesar⌋ 29 Iulii ⌊Mauricium Misnensem⌋ et ⌊Albertum Brandenburgensem⌋ principes cum equitatu forti satis immisit, qui supra 2000-bus ex ⌊Gallis⌋ caesis commeatum omnem simul cum pecunia ademerunt. Non multo postea ⌊San Desier⌋ civitatem vi expugnatam referunt, caesis illic cum praesidiariis, [t]um civibus omnibus, cruentam tamen hanc contigisse victoriam dicunt, perhibent omnes florem Gallicae nobilitatis in ea cum 12-m praesidiariis fuisse, abinde ⌊Vitriol⌋ versus movisse ⌊caesarem⌋. Quo expugnato oppido nihil ⌊Parhisiusque⌋ impedimento futurum aiunt neque ⌊Parhisius⌋ sine milite externo defensionem parare posse constanter affirmant. ⌊Delphinus⌋ paraverat obsessi ab ⌊Anglis⌋ ⌊urbis⌋ liberationem, sed conspectis ho[sti]bus abire quam dubium belli eventum experiri maluit. ⌊Regem⌋ ipsum mal[e] habere scribunt neque cuiquam liberum permitti aditum praeter cardinali, qui a[nimam], et amatae ⌊concubinae⌋⌊⌋ quae corpus curare possint.
Afferuntur et haec ex ⌊Hungaria⌋, quod paulo ante Assumptae Virginis festum post habitum ad ⌊Albam Regalem⌋ certamen circiter 50 equites Turchae adusque Comornae ripam excurrerunt, e quorum numero viginti se conspectibus Christianorum obtulerunt postulantes nostros ad hastarum confractionem. Illico Hunga[ri] primores duo cum viginti quattuor equitibus, navibus ad eandem ripam vecti, pulchrum susceperunt certamen. Tandem ⌊Thurcae⌋ fugam capiunt ad suos ... sequentis se ducunt ibidem instaurato proelio caesis aliquot Thurcis sex ... reliquis in fugam versis ad suos. Nostri salvi redierunt omnes, vulneratis tamen aliquot.
Haec Reverendissimam Dominationem Vestram scire et me illi commendatum esse volui.
Reverendissimae Dominationi Vestrae salutem dicunt cum gallina mea pulli omnes. ⌊Episcopa⌋ ob longius quam ve[lit] extractum matrimonium desperationi proxima esse videtur, graviter saepe questa, quod Reverendissima Dominatio Vestra tam infelici suscepta hic fuerat hospitio, in qu[o] neque matri, neque puellis sive non<n>o venire et officium facere licuit.
Dominus Reverendissimam Dominationem Vestram diutissime incolumem conservare dignetur.
