BK, 230, p. 108

Reverendissimo in Christo Patri et Domino, domino Ioanni Dei gratia episcopo Warmiensi, domino meo colendissimo et gratioso

BK, 230, p. 105

Post obsequiorum meorum exhibitionem.

Reverendissime Domine, domine colendissime et gratiose.

Fuit hic Nicolaus Glogaw procurator cum inhibitione pro domino Alexandro de Suchten, sed admissus non fuit, re itaque infecta et nulla executione facta abiit. Fautores adversarii executoriales et dira monitoria apostolica super fructibus sibi dandis brevi adfutura nobis hic minantur. Spero autem, Domino opitulante et Reverendissima Paternitate Vestra ecclessiae suae nobisque recte consulente, non ita facile voto eum potiturum.

Dominus Deus Reverendissimam Paternitatem Vestram quam diutissime servet incolumem, precor.

Cui me obsequiose commendo.

Ex Warmia, 3-a Maii 1544.

Eiusdem Reverendissimae Paternitati Vestrae obsequentissimus Ioannes Tymmerman