BCz, 1599, p. 248

Dem Hochwirdigen Fursten / und Herren(n), / herren Johann Bischoven zu Ermelanndt / auf Heilsperg in Preiss(e)n, / meinem gnedigen herren(n)

BCz, 1599, p. 245

Hochwirdiger Furst, / Genediger Herr. /

Ewrn Furstlichen Gnaden(n) sein mein underthenig / willig dienst zuvoran berait. /

Ewr F(urstlichen) G(nade) schreiben / des datum stet Heilsberg, den vierdten tag Septembris, hab ich emphanngen(n). Unnd daraus Ewr F(urstlichen) G(naden)n begern, / das ich derselben schwester sun / Caspar(e)n Hannawen zu Rom / ainhundert / unnd funfczig ducaten(n) bezalen lassen. / Die Ewr F(urstliche) G(nade) mir widerumb zu Thorn / oder Taunczke erlegen lassen wellen etc. mit weiter(e)m innhalt vernomen. /

Dieweil ich dann Ewrn F(urstlichen) G(nade) zu diennen(n) / unnd underthenigen willen zubeweisen, sonder genaigt / unnd willig pin. / So wil ich gen Rom schreib(e)n / unnd ordnung geben(n), / das gedachtem Casparn Hannawen(n) ainhundert / unnd funfczig ducaten beczalt werden sollen(n). / Das wolt ich Ewrm F(urstlichen) G(naden) dero ich zudienen(n) willig pin / undertheniger, mainung nit verhalten(n).

Datum Augspurg, am XIte(n) tag Octobris, anno etc. XLII. /

E(wr) F(urstlichen) G(nade) unterdeniger Antoni Fugger s(ub)s(cripsit)