Letter #2423
Ermland (Warmia) Chapter to Ioannes DANTISCUSFrauenburg (Frombork), 1541-05-10
| received Marienburg (Malbork), 1541-05-11 Manuscript sources:
| ||||
Text & apparatus & commentaryPlain textText & commentaryText & apparatus
BCz, 1597, p. 1250Reverendissimo in Christo Patri et Domino, domino Ioanni Dei gratia insignis ecclesiae Warmiensis episcopo dignissimo, domino nostro gratioso
BCz, 1597, p. 1249Reverendissime in Christo Pater, excellentissime domine antistes, domine gratiose.
Obsequia nostra indefessa sint Vestrae Reverendissimae Paternitati fideliter praemissa.
Reverendissime ac gratiose Domine.
Iuxta sententiam et deliberationem Reverendissimae Paternitatis Vestrae nobis per venerabilem dominum Achacium a Trenck confratrem nostrum carissimum his proximis diebus insinuatam formavimus litteras ad illustrem principem Prussiae super molari negotio mittendas. Quarum copias ad Reverendissimam Paternitatem Vestram ad praesens damus. Quare obsequiose petimus, ut Vestra Reverendissima Paternitas e stain⌈[e]e stain⌉t suas in eadem causa scribendas demandare (et etiam, si quid in nostris superfluum videri possit aut deesse, iuxta deliberationem eiusdem Reverendissimae Paternitatis Vestrae detrahere vel adicere dignari) velit etc. ut haec res res tanto maiori conatu et respectu urgeatur, et longioribus diverticulis via praecludatur.
Quod nostris officiosiss<imis> studiis erga Reverendissimam Paternitatem Vestram, quam aeterno Deo feliciter commendamus, studiosissime diligenterque merebimur.
Warmiae, X Maii anno XLI.
Eiusdem Reverendissimae Paternitati Vestrae obsequentissimi praelati, canonici et capitulum ecclesiae Warmiensis